My space

പ്രാർത്ഥനയിലെ പരാജയങ്ങളും പരിശുദ്ധാത്മാവിന്റെ ഇടപെടലുകളും ക്രിസ്തീയ ജീവിതത്തിന്റെ ഏറ്റവും വലിയ പദവി എന്താണെന്ന് ചോദിച്ചാൽ നമുക്ക് ഒരൊറ്റ ഉത്തരമേയുള്ളൂ—അത് പ്രാർത്ഥനയാണ്. എന്നാൽ, എന്റെ ജീവിതത്തിലെ ഏറ്റവും വലിയ പരാജയം എന്താണെന്ന് ചോദിച്ചാൽ പലപ്പോഴും അതും പ്രാർത്ഥന തന്നെയാണ്! പ്രാർത്ഥിക്കാൻ നിൽക്കുമ്പോഴോ ഇരിക്കുമ്പോഴോ ഞാൻ അനുഭവിക്കുന്ന ബലഹീനതകളും തടസ്സങ്ങളും ചെറുതല്ല. എനിക്ക് പ്രാർത്ഥിക്കാൻ കഴിയാതെ പോകുന്നതിന് പിന്നിൽ പ്രധാനമായും മൂന്ന് പ്രതിസന്ധികളാണുള്ളത്: ഉദാസീനത (Indifference): എന്റെ ജഡിക പ്രകൃതം എപ്പോഴും പ്രാർത്ഥനയ്ക്ക് വിരുദ്ധമാണ്. ജഡത്തിന് ദൈവത്തോട് സ്വാഭാവികമായ താല്പര്യമില്ല.   അജ്ഞത (Ignorance): എന്തിനുവേണ്ടി പ്രാർത്ഥിക്കണം, എങ്ങനെ പ്രാർത്ഥിക്കണം എന്ന് പലപ്പോഴും എനിക്കറിയില്ല. തടസ്സങ്ങൾ (Interference): ഇതൊരു ആത്മീയ യുദ്ധമാണ്. ഞാൻ വലിയ പദ്ധതികൾ ഇടുമ്പോൾ സാത്താൻ ചിരിച്ചേക്കാം, പക്ഷേ ഞാൻ പ്രാർത്ഥിക്കാൻ തുടങ്ങുമ്പോൾ അവൻ ഭയപ്പെടുന്നു എന്നാണ് ഞാൻ മനസ്സിലാക്കുന്നത്. അതുകൊണ്ട് പ്രാർത്ഥനയിൽ നിന്നും ശ്രദ്ധ തിരിക്കാൻ അവൻ ഫോൺ കോളുകളോ ഉറക്കമോ അനാവശ്യ ചിന്തകളോ ഒക്കെയായി വരും. എ...

ഒരു 'ചേതക്' ഓർമ്മയും മാടമുക്കിലെ ആക്സിഡന്റും ഒമ്പതിലോ പത്തിലോ പഠിക്കുന്ന കാലമാണെന്നാണ് ഓർമ്മ. ഇടവക പള്ളിയിൽ ആരെങ്കിലും പുതിയ സ്കൂട്ടറോ ബൈക്കോ വാങ്ങിയാൽ അതൊന്ന് ഓടിച്ചു നോക്കണം എന്നതായിരുന്നു അന്ന് ഞങ്ങളുടെയൊക്കെ ഒരു പ്രധാന ആഗ്രഹം. ആരു പുതിയ വണ്ടി കൊണ്ടുവന്നാലും, ഞായറാഴ്ച പള്ളിയിൽ നിന്ന് ഞാനതെടുത്ത് ഒരു റൗണ്ട് അടിക്കും. കുറഞ്ഞപക്ഷം തിരുവല്ല പഞ്ചമി വരെയെങ്കിലും പോയി പൊറോട്ടയും ചില്ലി ബീഫും മേടിച്ച് തിരിച്ചു വരിക എന്നതാണ് എൻ്റെയൊരു സ്ഥിരം പരിപാടി. അന്നത്തെ റോഡിൻ്റെ അവസ്ഥയൊന്ന് പറയണം. കെ.പി യോഹന്നാൻ ചുമത്ര കണ്ടം നികത്തുന്ന സമയമായതുകൊണ്ട്, റോഡിലൂടെ എപ്പോഴും തുരതുരാ ടിപ്പർ ലോറികൾ മണ്ണുമായി പാഞ്ഞു കൊണ്ടിരിക്കും. ഹെവി വെയ്റ്റ് വണ്ടികൾ പോയി റോഡിൻ്റെ അവസ്ഥ തന്നെ പരിതാപകരമായിരുന്നു. പോരാത്തതിന് കെ.എസ്.ഇ.ബി ക്കാരോ വാട്ടർ അതോറിറ്റിയോ റോഡിൻ്റെ സൈഡ് കുഴിച്ച് ആ മണ്ണ് മുഴുവൻ റോഡിലേക്ക് തന്നെ കയറ്റിയിട്ടിരിക്കുകയുമായിരിക്കും. ഇടുങ്ങിയ റോഡും കുഴിച്ചെടുത്ത മണ്ണും കൂടിയാകുമ്പോൾ വണ്ടിയോടിക്കാൻ തീരെ സ്ഥലമില്ലാത്ത അവസ്ഥ. അങ്ങനെയിരിക്കെ ഒരു ഞായറാഴ്ച പള്ളിയിൽ ഒരാൾ പുതിയൊരു ബജാജ് ചേതക് സ്കൂട്...

ഓർമ്മകളുടെ വീണ്ടെടുപ്പ്: അനിവാര്യമായ ഒരു ഇടവേള എല്ലാവരും പറയാറുണ്ട് ഓർമ്മകൾ ഒരിക്കലും മരിക്കില്ലെന്ന്. എന്നാൽ എൻ്റെ മനസ്സിൽ നിന്ന് നല്ലതും ചീത്തയുമായ പല ഓർമ്മകളും മാഞ്ഞുപോയിരിക്കുന്നു എന്നതാണ് സത്യം. ആർക്കൈവുകളിൽ നിന്ന് ചികഞ്ഞെടുക്കുന്നതുപോലെ, ഏറെ പണിപ്പെട്ടാണ് ഞാൻ പല ഓർമ്മകളും മനസ്സിൽ നിന്നും തിരിച്ചെടുക്കുന്നത്. ഫേസ്ബുക്കിൽ ഇടുന്ന ആ കൊച്ചുകുറിപ്പുകൾ ആരെയും വേദനിപ്പിക്കാനല്ല, മറിച്ച് അതൊക്കെയെഴുതുമ്പോൾ എനിക്കു കിട്ടുന്ന ഒരു കൊച്ചു സന്തോഷത്തിന് വേണ്ടിയാണ്. ജീവിതത്തിൻ്റെ നെട്ടോട്ടങ്ങൾക്കിടയിൽ എന്നോ നഷ്ടപ്പെട്ടുപോയതാണ് എൻ്റെ വായനാശീലവും എഴുത്തുമൊക്കെ. 1999-2000 കാലഘട്ടത്തിൽ അമേരിക്കയിലെ ഡിട്രോയിറ്റിൽ വന്നിറങ്ങിയ കാലത്തെ പല കാര്യങ്ങളും ഇന്ന് വ്യക്തമായി ഓർമ്മയില്ലെങ്കിലും, ചിലതൊക്കെ ഇപ്പോഴും മനസ്സിലൊരു കോണിൽ ബാക്കിനിൽപ്പുണ്ട്. പെട്ടെന്നൊരു ദിവസം നടുവിനുണ്ടായ ചില അസ്വസ്ഥതകളാണ് എൻ്റെ ഈ തിരക്കുപിടിച്ച ഓട്ടത്തിന് താൽക്കാലികമായി ഒരു ബ്രേക്ക് ഇട്ടത്. ജോലിയിൽ നിന്ന് അവധിയെടുത്ത്, ബിസി ലൈഫിൽ നിന്നും മാറിനിൽക്കുന്ന ഈ വിശ്രമവേള ഞാൻ തീരുമാനിച്ചതല്ല, മറിച്ച് ദൈവത്തിൻ്റെ ഒരു ഇടപെടലായിരുന്നു...

'കോക്രോച്ച് ജനതാ പാർട്ടി' — സത്യവും മിഥ്യയും  സോഷ്യൽ മീഡിയയിൽ കഴിഞ്ഞ കുറച്ചു ദിവസങ്ങളായി നമ്മൾ കേൾക്കുന്ന ഒരു പേരാണ് 'കോക്രോച്ച് ജനതാ പാർട്ടി' അഥവാ CJP. വെറും അഞ്ച് ദിവസം കൊണ്ട് ഇൻസ്റ്റാഗ്രാമിൽ ബിജെപിയെയും കോൺഗ്രസിനെയും ഒക്കെ പിന്നിലാക്കി കോടിക്കണക്കിന് ഫോളോവേഴ്‌സിനെ നേടിയ ഒരു 'ജെൻ സി (Gen Z) മൂവ്മെന്റ്'! പക്ഷേ, ഈ പാർട്ടിയെക്കുറിച്ച് സോഷ്യൽ മീഡിയയിൽ പ്രചരിക്കുന്ന കഥകൾ ഒക്കെ പൂർണ്ണമായും ശരിയാണോ? ആദ്യം തന്നെ ഈ പാർട്ടി എങ്ങനെ ഉണ്ടായി എന്ന് നോക്കാം. അമേരിക്കയിലുള്ള അഭിജിത്ത് ദിപ്‌കെ എന്ന മുപ്പതുകാരനായ ജേർണലിസം ബിരുദധാരിയാണ് ഈ ഇൻസ്റ്റാഗ്രാം പേജ് തുടങ്ങിയത്. ഇദ്ദേഹം മുൻപ് ആം ആദ്മി പാർട്ടിയുടെ സോഷ്യൽ മീഡിയ ടീമിൽ പ്രവർത്തിച്ചിരുന്നു എന്നത് ശരിയാണ്. പക്ഷേ, എന്തുകൊണ്ടാണ് ഇതിന് 'കോക്രോച്ച്' അഥവാ 'പാറ്റ' എന്ന പേര് വന്നത്? അതിനൊരു കാരണമുണ്ട്. കഴിഞ്ഞ മേയ് 15-ന് ഇന്ത്യയുടെ ബഹുമാനപ്പെട്ട സുപ്രീം കോടതിയിലെ ഒരു ജഡ്ജി, ജോലിയില്ലാത്ത യുവാക്കൾ ജേർണലിസത്തിലേക്കും ആക്ടിവിസത്തിലേക്കും തിരിയുന്നതിനെ 'കോക്രോച്ചുകൾ' (പാറ്റകൾ), 'പരാദങ്ങൾ' എന്നൊക്...

  നമ്മൾ പലപ്പോഴും അമേരിക്കൻ രാഷ്ട്രീയത്തെ വെറുമൊരു ഡെമോക്രാറ്റ് വേഴ്സസ് റിപ്പബ്ലിക്കൻ പോരാട്ടമായിട്ടാണ് കാണാറുള്ളത്. എന്നാൽ അതിനേക്കാൾ സങ്കീർണ്ണവും ആഴമേറിയതുമായ ചില മാറ്റങ്ങൾ, അല്ലെങ്കിൽ Ideological shifts, പാർട്ടികൾക്കുള്ളിൽ തന്നെ നടക്കുന്നുണ്ട്. അമേരിക്കൻ ഭൗമരാഷ്ട്രീയത്തിന്റെ ഹൃദയഭൂമിയായ ടെക്സാസിൽ നിന്ന് ഇപ്പോൾ പുറത്തുവരുന്ന ഒരു പുതിയ ഇലക്ടറേറ്റ് റിപ്പോർട്ട് വിശകലനം ചെയ്യുമ്പോൾ ഇത് വളരെ വ്യക്തമാകും. മെയ് 26-ന് നടക്കാൻ പോകുന്ന ടെക്സസ് സെനറ്റ് റൺഓഫ് തിരഞ്ഞെടുപ്പ് കേവലം രണ്ട് വ്യക്തികൾ തമ്മിലുള്ള മത്സരമല്ല. ഇത് പാർട്ടിയുടെ ഭാവി നിശ്ചയിക്കുന്ന ഒരു പോരാട്ടമാണ്, അല്ലെങ്കിൽ ഒരു Strategic battleground ആണ്.  ആദ്യമായി നമ്മൾ മനസ്സിലാക്കേണ്ടത് വോട്ടർമാരുടെ ഘടനയാണ്. Remington Research Group-ന്റെ ഡാറ്റ പ്രകാരം, ഈ റൺഓഫ് ഇലക്ടറേറ്റിൽ വോട്ട് ചെയ്യാൻ എത്തുന്നവരിൽ 62 ശതമാനവും സ്വയം വിശേഷിപ്പിക്കുന്നത് 'Very Conservative' അല്ലെങ്കിൽ തീവ്ര യാഥാസ്ഥിതികർ എന്നാണ്. മിതവാദികൾ, അതായത് Modarates / Liberals വെറും 9 ശതമാനം മാത്രമാണ്. ഈ ഒരു കണക്ക് നിലവിലെ സെനറ്ററായ ജോൺ കോർണിന് വലിയൊരു Mathemat...

നമ്മൾ സാധാരണ വിചാരിക്കാറുണ്ട്, നിയമം എല്ലാവർക്കും ഒരേപോലെയാണെന്ന്. പ്രത്യേകിച്ചും ഡെമോക്രസിയുടെ ആസ്ഥാനം എന്ന് പറയുന്ന നമ്മുടെ ഈ അമേരിക്കയിൽ. എന്നാൽ വമ്പൻ സ്രാവുകൾ നീന്തുന്ന ഒരു പ്രത്യേക ഏരിയയുണ്ട് ഇവിടെ—The Executive Branch of the US Government. വൈറ്റ് ഹൗസും അതിന്റെ ഉന്നത ഉദ്യോഗസ്ഥരും ഒക്കെ അടങ്ങുന്ന ആ ഒരു പവർഫുൾ സർക്കിൾ. അവർ എടുക്കുന്ന ചില തീരുമാനങ്ങൾ, പ്രഖ്യാപിക്കുന്ന ചില പോളിസികൾ, ആഗോള വിപണിയെ എങ്ങനെയാണ് സ്വാധീനിക്കുന്നത്? അവിടെ നടക്കുന്ന കളികൾ എന്തൊക്കെയാണ്?  ഒരു കാര്യം ഞാൻ തുടക്കത്തിലേ പറയാം, ഇതാണ് നൈതികതയും ലീഗാലിറ്റിയും തമ്മിലുള്ള വ്യത്യാസം. അതായത്, What is legal is not always ethical. നമുക്ക് കാര്യങ്ങളിലേക്ക് കടക്കാം. അമേരിക്കയിൽ ഈ വലിയ ഉദ്യോഗസ്ഥരുടെ സാമ്പത്തിക ഇടപാടുകൾ നിയന്ത്രിക്കാൻ പ്രധാനമായും രണ്ട് നിയമങ്ങളാണ് ഉള്ളത്. ഒന്ന്, 2012-ൽ വന്ന STOCK Act. ഇൻസൈഡർ ട്രേഡിംഗ് തടയാൻ വേണ്ടിയുള്ളതാണ് ഇത്. അതായത്, ഔദ്യോഗിക പദവിയിലിരിക്കുമ്പോൾ കിട്ടുന്ന രഹസ്യ വിവരങ്ങൾ ഉപയോഗിച്ച് ഓഹരി വിപണിയിൽ കച്ചവടം നടത്തി ലാഭമുണ്ടാക്കാൻ പാടില്ല. പ്രസിഡന്റിനും വൈസ് പ്രസിഡന്റിനും ഇത് ബാധകമാണ...